Sector:
Cleient:	Higher Education Policy Institute (HEPI)
Cyhoeddwyd:	January, 2018
Math o ddogfen:
Wedi'i dagio:

O ystyried y ddadl wleidyddol barhaus ynghylch cynnwys myfyrwyr rhyngwladol yn nhargedau mudo’r DU, a’r nifer cyfyngedig o ddadansoddiadau o’u heffaith economaidd net hyd yma, comisiynwyd London Economics gan y Sefydliad Polisi Addysg Uwch (HEPI) a Kaplan International Pathways i gynnal dadansoddiad manwl o’r manteision a’r costau i economi’r Deyrnas Unedig sy’n gysylltiedig â myfyrwyr rhyngwladol. Mae’r dadansoddiad yn canolbwyntio ar y buddion economaidd cyfanredol a’r costau i economi’r DU sy’n gysylltiedig â’r 231,065 o fyfyrwyr rhyngwladol a ddechreuodd eu hastudiaethau yn y DU yn 2015/16, gan ystyried cyfanswm yr effaith sy’n gysylltiedig â’r myfyrwyr hyn dros gyfnod cyfan eu hastudiaethau yn y DU.

Amcangyfrifwyd mai’r effaith economaidd net fyddai £68,000 ar gyfer pob myfyriwr nodweddiadol sy’n hanu o’r UE yng ngharfan 2015/16, a £95,000 yn cael ei gynhyrchu gan bob myfyriwr nodweddiadol nad yw’n hanu o’r UE. Mewn geiriau eraill, mae pob 15 myfyriwr o’r UE a phob 11 myfyriwr o’r tu allan i’r UE yn cynhyrchu gwerth £1m o effaith economaidd net i economi’r DU dros gyfnod eu hastudiaethau. Ar draws y garfan gyfan o fyfyrwyr rhyngwladol blwyddyn gyntaf sydd wedi cofrestru gyda SAUau y DU ym mlwyddyn academaidd 2015/16, amcangyfrifwyd mai cyfanswm effaith net myfyrwyr rhyngwladol ar economi’r DU oedd £20.3bn. Mae myfyrwyr rhyngwladol yn cyfrannu £31.3 miliwn ar gyfartaledd o fudd economaidd i economi’r DU fesul etholaeth seneddol – sy’n cyfateb i £310 fesul aelod o’r boblogaeth breswyl. Fodd bynnag, gan adlewyrchu’r crynhoad o fyfyrwyr rhyngwladol mewn rhai etholaethau, roedd y budd effaith economaidd net sy’n gysylltiedig â myfyrwyr rhyngwladol yn fwy na £100 miliwn mewn nifer fawr o etholaethau seneddol.

Darllenwch yr adroddiad llawn drwy’r ddolen uchod.